Ludolux Games
Op der Spillplaz!
Auteur: Matthias Kaufmann
Illustrator : Gediminas Akelaitis
Inhalt:
· 1 Elefante-Rutsch
· 20 Spillgezei a 4 Faarwen
· 4 Pliploms a 4 Faarwen
· 1 Aewierfel (mat Punkten drop)
· 1 Zuelewierfel (mat Zuelen an engem Feilsymbol drop)
· Spillregelen a 4 Sprochen (LU, DE, FR, ENG)
D’Pliplome sinn e Gaardevollek, awer vill méi kleng wéi mir. Am Dag schlofe sie verstoppt am Gras oder an den Hecken. D’Pliplomen hunn Rutsch gär, awer sie hunn de Kanner hir farweg Spillsaachen an der Sandkëscht nach vill léiwer. A bal all Owend gëtt et e witzege Sträit mat vill Gedrécks a Gejäiz wéinst der Rutsch an de Spillsachen. Am Spill OP DER SPILLPLAZ! wiesselen d’Spiller sech op der Elefante-Rutsch of, zielen hir Schrëtt a probéieren, esou dacks wéi méiglech ze rutschen, fir déi meeschte Spillsaachen ze kréien.
Den hongeregen Hugo
Auteuren : Jens Merkl & Jean-Claude Pellin
Illustrator : Gediminas Akelaitis
Inhalt:
· 1 Hugo (Figur aus Holz)
· 4 Gäert
· 4 Buden
· 20 Spillfiguren (Gaardendeko)
· 20 transparent Standféiss
· 50 Aktiounskaarten
· 1 Wierfel
· Spillregelen a 4 Sprochen (LU, DE, FR, ENG)
Am Spill DEN HONGEREGEN HUGO hunn d’Awunner vun der Insel näischt léiwer ewéi schéi Gäert. Et gëtt eng grouss Konkurrenz a jidderee wëll säi Gaart am schéinsten dekoréieren. Wëllt dir matmaachen? Da schnaapt iech ee Spuet a lass an de Gaart …
Ajo, et gëtt nach ee ganz klengen Hoken – an deen heescht Hugo an ass ee risegen Af. Meeschtens schléift dee friddlech, mee wann e waakreg gëtt, huet hien een Afenhonger an da schnaapt en sech de ganzen Zäit Saachen aus ärem Gaart.
Meng kleng Stad
Auteuren : Jean-Claude Pellin & Steve Brück
Illustrator : Gediminas Akelaitis
Inhalt:
· 36 faarweg Stadplättercher
· 24 Spillfigure a 4 Faarwen
· 24 transparent Standféiss
· Spillregelen a 4 Sprochen (LU, DE, FR, ENG)
Am Spill MENG KLENG STAD baut dir zesummen är Stad. Wee bréngt et am Schnellste fäerdeg, seng Awunner, Beem, Autoen oder Haiser ze placéieren?
Haiser, Beem, Autoen, Menschen. Alles gehéiert an eng Stad a sicht seng Plaz. All Urbanist setzt sech fir eppes aneres an, a versicht, senge Géigner de Wee ze verspären an d’Bauen onméiglech ze maachen. Wee sech par contre ze laang dorop konzentréiert, dass seng Géigner nët baue kënnen, deem geléngt et eventuell och net, all seng eegen Figuren ënnerzebrengen.